經過十日冷靜期，是否真的平靜了

經過十日冷靜期，今日由葵涌醫院出來了。期間心情反覆，一下子話掛住我，一下子罵我狗血臨頭，一下子道歉話冇事。精神病院好嚇人，我明白，但不是我能力可以逼你關進去的，是醫生看情況而決定你需要到葵涌留醫。

當日你來到我公司門前，已經無晒力訓在長椅，仲話早兩日暈低過，而且有幻覺話我同人吸毒而唔同你吸，又話我呢幾日唔係返娘家而去了其他人度訓。一切都係吸冰毒後令你產生既重疑心，仲要好負面想法呀。我知道已經無法令你唔再亂諗野，因為你個腦已經被傷害了。我擔心你吸毒過度會休克死，所以才叫救護車送你進急症室檢查。原來你反而最怕被關沒自由，那就不要吸毒後令自己變成精神病人。你不知道，冰毒好傷大腦中樞神經，可以令你整個人想法都變得負面，懷疑身邊既人而做出傷害人的事，而清醒後可以是全沒記憶的。吸毒唔止傷害到你自己，仲會傷害到你身邊既人。我真係好驚，唔想到發生悲劇先識得醒。

今日我把銀包證件電話都歸還給你了，大概是你想要的東西。

祝福你，求主饒恕你，你所做的你不知道，求神給你回轉的機會，拯救你失喪的靈魂。阿們。